ميدي 24 / هيئة التحرير
بعث الملك محمد السادس برقية تهنئة للمتسلقة المغربية نوال صفنضلة، بعد الإنجاز الكبير اللي حققات بتسلقها قمتي إيفيريست ولوتسي دفعة وحدة، كأول امرأة مغربية توصل لهاد التحدي العالمي.
وجاء فبرقية الملك أن هاد الإنجاز كيعكس العزيمة ديال المرأة المغربية وقدرتها على رفع التحديات، إضافة إلى الطموح ديال الشباب المغربي فمختلف المجالات الرياضية الدولية.
كما نوه الملك بالمجهودات الكبيرة اللي دارت نوال صفنضلة، وبالمسار الرياضي ديالها بعدما سبق ليها تسلقات قمم عالمية فأوروبا وأمريكا وآسيا، متمنيا ليها المزيد من التألق والنجاح فالمستقبل.
